तुमचे आमचे पुणे

चहाचा इतिहास आपल्याला काही हजार वर्षे मागे नेतो. असं म्हणतात की चीनमध्ये चहाचा शोध लागला. तेथील शेन नंग नावाचा राजासमोर गरम पाण्याचा ग्लास ठेवला होता. त्यात चुकून चहाची सुकलेली पाने पडली आणि चहाचा रंग बदलला. राजाने ते पेय प्यायले, त्याला बरे वाटले आणि आवडले सुद्धा. तेव्हापासून चहा पिणे सुरु झाले. सुरवातीला चहा हे पेय 'औषधी पेय' म्हणून ओळखले जात असत. भारतात चहा इंग्रजांनी आणला. सुरवातीला चहाचे फॅड आपल्याकडे नव्हते. पण नंतर भारतात चहा खूप लोकप्रिय झाला. आज चहाला भारतात प्रचंड मागणी असून हा देश आता चहाच्या प्रमुख उत्पादकांपैकी आहे. पाण्यानंतर सर्वाधिक चहा प्यायला जातो. पुण्यात चहाप्रेमींची काही कमी नाही. इथे चहा अमृतासमान समजला गेला आणि चहास नाव मिळाले ''अमृततुल्य''. आज आपण पुण्यातल्या चहाविषयी जाणून घेऊ. कारण काहीही असो निमित्य मात्र चहा ठरतो. तो तर असाही चहाची तलफ मिटविण्यासाठी घेतला जातो. "आद्य अमृततुल्य" हे पुण्यातलं पहिलं अमृततुल्य. विश्वनाथ नर्तेकर यांनी १९२४ साली हे अमृततुल्य सुरु केलं. सध्या ते रविवार पेठेत लक्ष्मी रस्त्यावर सोन्या मारुती चौका...