तुमचे आमचे पुणे

पुण्यात भेट देण्यायोग्य अनेक   पर्यटनस्थळे   आहेत .  त्यात संग्रहालयांचा समावेश दुर्दैवाने अत्यल्प प्रमाणात होतो.  गरज आहे ती स्मारके डोळसपणे   बघून  आपला वारसा, संस्कृती व इतिहास समजून घेण्याची . पुण्यातील सेनापती बापट रस्त्यावर असेच एक संग्रहालय व स्मारक आहे . ते म्हणजे सिम्बॉयसिस सोसायटीचे  '' डॉ . बाबासाहेब आंबेडकर संग्रहालय व स्मारक'' . या महापुरुषाचे कर्तृत्व व जीवनप्रवास   येथे   बघायला मिळतो .   २६ नोव्हेंबर १९९६   (त्या दिवशी  १९४९ साली  बाबासाहेबांनी भारतीय संविधान तत्कालीन राष्ट्रपती राजेंद्र प्रसाद यांना सुपूर्त केले  होते .)  रोजी या स्मारकाचे उदघाटन उपराष्ट्रपती के. आर. नारायणन यांच्या हस्ते झाले . '' डॉ . भीमराव रामजी आंबेडकर''   (१४ एप्रिल १८९१–६ डिसेंबर १९५६)   म्हणजेच 'बाबासाहेब आंबेडकर'   यांना  आपण ' 'भारतीय  राज्यघटनेचे शिल्पकार ''  म्हणून  ओळखतो.   भारताची राज्यघटना म्हणजे त्यांच्या कार्याची व कुशाग्र बुद्धिमत्त...